ჩვენ შესახებ

სამოქალაქო განათლების პედაგოგთა ფორუმის ხედვაა, საქართველოში სკოლა ჩამოყალიბდეს სრულყოფილ დემოკრატიულ ინსტიტუტად, რომელიც გვთავაზობს ქმედით გარემოს აქტიური მოქალაქის აღზრდისა და განვითარებისათვის, და სადაც სამოქალაქო განათლება აღიარებულია, როგორც მნიშვნელოვანი დისციპლინა.

• დემოკრატია და მონაწილეობა;
• ღიაობა და თანამშრომლობა;
• პროფესიონალიზმი და უწყვეტი განვითარება;
• პასუხისმგებლობა და კეთილსინდისიერება;

• ტრენინგებისა და მოსამზადებელი კურსების, სემინარებისა და სხვა ღონისძიების მეშვეობით პედაგოგთა პროფესიული კომპეტენციების განვითარების ხელშეწყობა;
• სოციალური მედიის პლატფორმების, კონფერენციებისა და სადისკუსიო შეხვედრების ორგანიზებით პედაგოგთა შორის თანამშრომლობისა და გამოცდილების გაზიარების გარემოს შექმნა;
• სამოქალაქო განათლების სფეროში სიახლეებისა და ინოვაციების დანერგვა და ამ მიზნით კონკურსების, მასტერკლასებისა და სხვა დამხმარე ღონისძიებების ინიცირება;
• სამოქალაქო განათლების საგნის განვითარებისათვის შესაბამისი პოლიტიკის დიალოგის წარმოება და ხედვების ადვოკატირება; ამ მიზნით პედაგოგთა მობილიზება და სხვადასხვა დაინტერესებულ აქტორებთან თანამშრომლობა;
• საზოგადოებაში და საგანმანათლებლო სისტემაში სამოქალაქო განათლების მნიშვნელობის წარმოჩენა და სამოქალაქო განათლების პედაგოგის პრესტიჟის ზრდაზე ზრუნვა.

'სამოქალაქო განათლება სამოქალაქო საზოგადოებისთვის'

• საქართველოში მოქმედი ზოგადსაგანმანათლებლო დაწესებულების (სკოლის) სამოქალაქო განათლების პედაგოგი;
• სამოქალაქო განათლებით დაინტერესებული სხვა მოქმედი პედაგოგი, ასევე მასწავლებლობის მაძიებელი და შესაბამისი დისციპლინის სტუდენტი (ბაკალავრი, მაგისტრანტი, დოქტორანტი);
• სამოქალაქო განათლების საკითხების ექსპერტი;
• სკოლის ადმინისტრაციის წევრი;

2013 წლის მდგომარეობით სამოქალაქო განათლების პედაგოგთა ფორუმი 397 რეგისტრირებულ წევრს აერთიანებს, რომელთა რაოდენობა მუდმივად იზრდება

ფორუმის მართვის უმაღლეს ორგანოს წარმოადგენს საერთო კრება, რომელიც ირჩევს ფორუმის გამგეობას (ორი წლის ვადით). გამგეობა განსაზღვრავს ორგანიზაციის სტრატეგიას და ირჩევს გამგეობის თავმჯდომარეს. გამგეობის თავმჯდომარე წარმოადგენს ორგანიზაციას და კოორდინირებას უწევს გამგეობის მუშაობას.

ფორუმის რეგიონალურ საქმიანობას წარმართავენ რეგიონალური კოორდინატორები (საქართველოს თერთმეტ რეგიონში).

დამატებითი ინფორმაციისათვის იხილეთ

წესდება