პროექტები

სამოქალაქო განათლების პედაგოგთა ფორუმმა, ლიეტუვის საგარეო საქმეთა სამინისტროს ფინანსური მხარდაჭერით განახორციელა პროექტი "სამოქალაქო განათლება ევროინტეგრაციის შესახებ დეზინფორმაციის წინააღმდეგ" რომლის მიზანს წარმოადგენდა ევროკავშირთან გაფორმებული ასოცირების ხელშეკრულებისა და ევროინტეგრაციის შესახებ ცნობიერების ამაღლება საზოგადოებაში.

პროექტში ჩართული იყო საქართველოს სხვადასხვა რეგიონის 18 სკოლა და მოიცავდა შემდეგ აქტივობებს:

• სასწავლო რესურსების მომზადება ევრინტეგრაციის, ასოცირების ხელშეკრულებისა და აღნიშნულ პროცესებთან დაკავშირებული დეზინფორმაციის წინააღმდეგ;
• საინფორმაციო შეხვედრები პროექტში ჩართული სკოლების სამოქალაქო განათლების პედაგოგებისთვის;
• გადამზადებული მასწავლებლების მიერ გაკვეთილების ჩატარება მათ მოსწავლეებთან;
• საზაფხულო სკოლა პედაგოგების მიერ შერჩეული მოსწავლეებისთვის, სადაც მათ გაიღრმავეს ცოდნა დეზინფორმაციის ამოსაცნობი ნიშნებისა და ევროინტეგრაციის საკითხების შესახებ;
• მოსწავლეთა ინიციატივების განხორციელება, რომლის მეშვეობითაც მათ მიერ მიღებული ცოდნის გავრცელება მოხდა უფრო ფართო, სასკოლო საზოგადოებისთვის;
• შემაჯამებელი კონფერეცია;