სიახლეები

USAID-ის სამოქალაქო განათლების პროგრამის ფარგლებში სამოქალაქო განათლების პედაგოგთა ფორუმმა 19 ნოემბერს ორგანიზება გაუწია მორიგ თემატურ შეხვედრას. შეხვედრა ეხებოდა ბავშვთა მიმართ ძალადობის საკითხს და დამსწრეებს მიეწოდათ ინფორმაცია, თუ როგორ უნდა ამოვიცნოთ ძალადობის ნიშნები ბავშვებში და რა შესაბამისი ნაბიჯები უნდა იყოს გადადგმული მსგავსი შემთხვევების დროს.

შეხვედრას უძღვებოდა წამების მსხვერპლთა ფსიქოსოციალური და სამედიცინო რეაბილიტაციის ცენტრის ფსიქოლოგი, მაია ცირამუა. 

შეხვედრამ ჩაიარა ძალიან საინტერესოდ, ინტერაქციულ რეჟიმში და მას ესწრებოდა 100-მდე პედაგოგი საქართველოს სხვადასხვა რეგიონიდან. 

სამოქალაქო განათლების პედაგოგთა ფორუმი მომავალშიც არაერთ თემატურ შეხვედრას შესთავაზებს დაინტერესებულ პედაგოგებს.

USAID-ის სამოქალაქო განათლების პროგრამას ახორციელებს ორგანიზაცია PH International საქართველო, USAID-ის ფინანსური მხარდაჭერით და განათლებისა და მეცნიერების სამინისტროსთან თანამშრომლობის გზით.