სიახლეები

USAID-ის სამოქალაქო განათლების პროგრამის ფარგლებში, სამოქალაქო განათლების პედაგოგთა ფორუმი, როგორც პროგრამის განმახორციელებელი ერთ-ერთი ძირითადი პარტნიორი, შეხვედრებს მართავს საქართველოს ყველა რეგიონის საგანმანათლებლო რესურსცენტრების ხელმძღვანელებთან. შეხვედრის ფარგლებში მონაწილეები განიხილავენ მოსწავლეთა თვითმმართველობის საქმიანობის ხელშეწყობის გზებს და მის მნიშვნელობას სასკოლო დემოკრატიის განვითარების პროცესში. აგრეთვე მათთვის წარდგენილ იქნა სკოლებისთვის მოსწავლეთა თვითმმართველობის გაძლიერებასთან დაკავშირებით შექმნილი დამხმარე რესურსი.

სექტემბრის და ოქტომბრის თვეში ფორუმმა უკვე უმასპინძლა აღნიშნული შეხვედრების ნაწილს და უახლოეს მომავალში დაიფარება ყველა რესურსცენტრი მთელი საქართველოს მასშტაბით. 

შეხვედები იმართება USAID-ის სამოქალაქო განათლების პროგრამის ფარგლებში, რომელსაც საქართველოს განათლებისა და მეცნიერების სამინისტროსთან თანამშრომლობით და USAID-ის ფინანსური მხარდაჭერით ახორციელებს PH International-საქართველო.