სიახლეები

USAID-ის სამოქალაქო განათლების პროგრამის ფარგლებში ფორუმის ორგანიზებით 25 მარტს გაიმართა სამოქალაქო განათლების პედაგოგთა წლიური კონფერენცია-გამოფენა.

ღონისძიებას ესწრებოდნენ სამოქალაქო განათლების მასწავლებლები საქართველოს სხვადასხვა რეგიონიდან, საქართველოს განათლებისა და მეცნიერების სამინისტროს, მასწავლებელთა პროფესიული განვითარების ეროვნული ცენტრის წარმომადგენლები და მოწვეული სტუმრები. კონფერენცია-გამოფენაზე იმყოფებოდა აშშ-ის ელჩი საქართველოში, კელი დეგნანი. 

ღონისძიების მსვლელობისას გამოვლინდნენ 2022 წლის სამოქალაქო განათლების საუკეთესო პედაგოგები სხვადასხვა ნომინაციებში, რომლებიც დაჯილდოვდნენ პრიზითა და კონფერენცია-გამოფენის მხარდამჭერი კომპანიების - ბიბლუსი, სილქნეტი, გამომცემლობა "დიოგენე", სულაკაურის გამომცემლობა - წამახალისებელი საჩუქრებით. 

სამოქალაქო განათლების პედაგოგთა ფორუმი ულოცავს ყველა გამარჯვებულს და უსურვებს მათ პედაგოგიურ წინსვლასა და წარმატებას. 

სამოქალაქო განათლების პედაგოგთა წლიური კონფერენცია-გამოფენა ჩატარდა USAID-ის სამოქალაქო განათლების პედაგოგთა პროგრამის ფარგლებში, რომელიც ხორციელდება ორგანიზაცია PH International-ის მიერ, ამერიკის საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით.