სიახლეები

სამოქალქო განათლების პედაგოგთა ფორუმი, ორგანიზაცია „ახალგაზრდები მშვიდობისთვის და თანასწორობისთვის“ პარტნიორობით ახორციელებს საერთაშორისო პროექტს „1+1 ერთობლივი ძალისხმევა დემოკრატიული კულტურისთვის“, რომელიც დაფინანსებულია ევროკავშირის ახალგაზრდული პროგრამის Erasmus + ფარგლებში.

პროექტი მიზნად ისახავს სკოლებისა და ახალგაზრდული ორგანიზაციების /მუშაკების პარტნიორობით ხელი შეუწყოს დემოკრატიული კულტურის კომპეტენციების განვითარებას.

 

პროექტის ფარგლებში, კონკურსის გზით შერჩეულ 6 სკოლის სამოქალაქო განათლების პედაგოგს, დირექტორს და ახალგაზრდულ მუშაკს შესაძლებლობა ექნება მონაწილეობა მიიღოს სასწავლო ვიზიტებში და გაიაროს სტაჟირება პროექტის პარტნიორ ორგანიზაციებში.

 

პროექტის ფარგლებში განსახორციელებელი აქტივობები:

 

• ტრენინგ კურსი დემოკრატიული კულტურის კომპეტენციების შესახებ სამოქალაქო განათლების მასწავლებლებისა და ახალგაზრდული მუშაკებისთვის 7 დღის განმავლობაში საქართველოში (მარტი, 2020);

• სამოქალაქო განათლების მასწავლებლისა და ახალგაზრდული მუშაკის ერთობლივი სტაჟირება 6 დღის განმავლობაში ჩამოთვლილიდან რომელიმე ქვეყანაში - ნორვეგია, ჩეხეთი და ესპანეთი (აპრილი-მაისი, 2020);

• სემინარი ნორვეგიაში 6 დღის განმავლობაში - (ივნისი, 2020);

• ტრენინგი ჩეხეთში 6 დღის განმავლობაში (სექტემბერი, 2020);

• სემინარი სკოლის ადმინისტრაციის წარმომადგენლებისათვის ესპანეთში 6 დღის განმავლობაში (ნოემბერი, 2020);

• ახალგაზრდული გაცვლითი პროგრამა ჩეხეთში 7 დღის განმავლობაში (იანვარი, 2021);

• საერთაშორისო კონფერენცია თბილისში (იანვარი, 2021).

პროექტის ყველა აქტივობა წარიმართება ინგლისურ ენაზე.

კონკურსში მონაწილეობა შეუძლია ნებისმიერ სკოლას, რომელიც:

• ორიენტირებულია დემოკრატიული კულტურის კომპეტენციების განვითარებაზე;

• ხელს უწყობს არაფორმალურ განათლებას სასკოლო გარემოში;

• ფუნქციონირებს სამოქალაქო განათლების კლუბი;

• სამოქალაქო განათლების პედაგოგი ფლობს ინგლისური ენის მინიმუმ B2 (Upper Intermediate) დონეს.

 

კონკურსში მონაწილეობის მისაღებად აუცილებელია 10 თებერვლამდე ელექტრონული აპლიკაციის შევსება შემდეგ ბმულზე:

 

https://forms.gle/bRAVgY3gzTY9F1hx8