სიახლეები

6-8 სექტემბერს, თბილისში გაიმართა პროექტის "1+1 სინერგია დემოკრატიული კულტურის კომპეტენციებისთვის" დასკვნითი ღონისძიება. 

პროექტი ხორციელდებოდა სამოქალაქო განათლების პედაგოგთა ფორუმისა და ახალგაზრდები მშვიდობისა და თანასწორობისთვის თანამშრომლობის საფუძველზე, erasmus+ პროგრამის დაფინანსებით. 

პროექტი მიმდინარეობდა 2020 წლიდან და მიზნად ისახავდა დემოკრატიული კულტურის კომპეტენციების განვითარებას სკოლებისა და ახალგაზრდული ორგანიზაციების/მუშაკების პარტნიორობით. ამ მიზნით მის ფარგლებში განხორციელდა არაერთი საინტერესო აქტივობა:

• ტრენინგ კურსი დემოკრატიული კულტურის კომპეტენციების შესახებ სამოქალაქო განათლების მასწავლებლებისა და ახალგაზრდული მუშაკებისთვის 7 დღის განმავლობაში საქართველოში;
• სამოქალაქო განათლების მასწავლებლისა და ახალგაზრდული მუშაკის ერთობლივი სტაჟირება 6 დღის განმავლობაში სხვადასხვა ქვეყნებში (ნორვეგია, ჩეხეთი და ესპანეთი)
• სემინარი ნორვეგიაში 6 დღის განმავლობაში
• ტრენინგი ჩეხეთში 6 დღის განმავლობაში
• სემინარი სკოლის ადმინისტრაციის წარმომადგენლებისათვის ესპანეთში 6 დღის განმავლობაში
• ახალგაზრდული გაცვლითი პროგრამა საქართველოში 7 დღის განმავლობაში

სამოქალაქო განათლების პედაგოგთა ფორუმი სამომავლოდაც შეეცდება მრავალფეროვანი აქტივობები და ღონისძიებები შესთავაზოს სამოქალაქო განათლების მასწავლებლებს და ხელი შეუწყოს მათ პროფესიული პრაქტიკის გაუმჯობესებაში